Warar aynu ka helnay magaalada Baladweyne ayaa sheegaya in ciidamadan Ethopianka ah ay dileen dad rayid ah, iyadoo la sheegay in ciidamadan ay dadka Soomaalida ah qab qabanayeen isla markaana ay waydiinayeen qabiilka uu ka yahay Soomaali, haddii uu noqdo qabiilka ay baadi goobayaan waxaa la sheegay in ay kaxaysanayeen si gaar ah Qabiilka ugu tunka weyn Gobolka Hiiraan .

Ciidamadan ayaa qaarkood la sheegay in ay soo gaareen meel magaalada Baladweyne u jirta 20 KM , iyadoo la xusay in arintani ay soo baxday markii labo nin oo Itoobiyaan ah una shaqeynayey hay�ad lagu dilay meel u dhaw magaalada Baladweyne, iyadoo labadaas nin gaarigii ay wateena la gubay.

Dhowaanahaan ayaa waxaa ka dhex jiray dhibaatooyin Beesha uu ka soo jeedo Gudoomiyaha G/Hiiraan iyo Ciidamada Ethopian-ka ee ku sugan Xuduuda oo muddo bil laga joogo ku xadgudbay oo dhimasho iyo dhaawac u geystay dad Soomaali , iyadoo falkaasi markii ay u geysteen dad reer miyi ah ay dib u gurteen.

Muqdisho: Ifafaalihii laga muujinayay kulan ka dhaca Magaalada Kismaayo , Jowhar ama Muqdisho oo intaba lagu dhex dhexaadinayo dhinacyada Khilaafka uu u dhaxeeyo ee dowladda FKMG ah ee Soomaaliya ayaa ah mid sii gaabaneysa liifadeeda .

Waxaana Aqoonyahanada Jaamacadaha Muqdisho ku yaala ay sheegeen in aanu muuqan xilligan Kulan ay yeeshaan labada dhinac ee dowladda, isla markaana si ka fool ka fool ah ay uga wada hadlaan , iyagoo sheegay in rajadii laga qabay arintaasi ay hoos u sii dhaceyso.

dhinaca kale marka aad Makrafoonka la dhex qaado dadka Muqdisho ayaa waxa ay intooda badan ay yihiin kuwa saadaasha ay muujinayaan ay tahay natiijo xumo iyo xaaladda sii laba miisata dhinaca khilaafka .

Arintani ayaaa waxa ay soo baxday markii kulan qarsoodi ah uu xalay ku dhexmaray Hoyga Ganacsade Bashiir Raage Shiiraar ee Waqooyiga Muqdisho 9 Sarkaal oo ka kala Tirsan FPI-da Mareykanka iyo Hey�adda Sirdoonka Moosad- ee Isra�il oo shalay si aan la dareemeyn uga soo degay Garoonka Dayniile , iyagoo maantana dib u laabtay , waxa ayna saraakiishan marka hore ay kulan la qaateen Bashiir Raage oo albaada ay isugu soo laabteen , iyadoo daqiiqado kadib halka shirka uu ka socday ay soo xaadireen Wasiirka Amniga Qaranka Maxamed Qanyare Afrax , Wasiirka Ganacsiga Muuse Suudi Yalaxow, Wasiirka Howlaha Guud iyo Guriyeenta Cismaan Xasan Cali ( Caato) , Wasiirka Diinta iyo Awqaafta Cumar Maxamed Maxamuud ( Filish ) iyo Gudoomiyaha Gobolka Sh/hoose Sheekh Yuusuf Maxamed Siyaad Indha cadde oo iyana kulan albaada u laabnaa ay la yeesheen Bashiir Raage , lamana faahfaahin waxyaabihii ay ka wada hadleen , iyadoo mas�uulkii arintani wax laga weydiiyo aanu jawaab marnaba kaa siineyn , misana aanu kaa qabaneyn Telefonkiisa .

Tripoli: Gudoomiyaha Baarlamaanka Soomaaliya Shariif Xasan Shiikh Aadan ayaa la filayaa in uu booqasho u tago dalka Masar iyadoo haatan uu gudoomiyuhu ku sugan yahay dalka Liibiya oo uu uga qeyb galayo shir ay leeyihiin Baarlamaanada dalalka Afrika.

Ilo ku dhaw dhaw Shariif Xasan ayaa waxa ay sheegeen in dowlada Masar uu marti qaad ka helay Shariifku ,iyadoo dowladda Masarna ay horay u sheegtay in labada dhinac ee dowlada ay ka qeyb qaadaneyso dib u heshiisiintooda.

Masar ayaa dadaal ugu jirta sidii ay madaxweyne C/laahi Yuusuf Gudoomiye Shariif Xasan ay isugu keeni lahayd , isla markaana ay uga dhaadhin lahayd in ay heshiiyaan, waxaana suurto gal ah in marka uu tago C/laahi Yuusuf dalka Sacuudiga kadib uu uga sii gudbo dalka Masar si ay isku arkaan isaga iyo Gudoomiyaha Baarlamaanka Soomaaliya oo khilaaf xagga fikirka ah uu ka dhaxeeyo.