Hoggan La'aani Waa Hagaag La'aan. Sheikh Muxumed Sheikh Warfaa Soogaan (1820-1923)
Cali Suxeyfa (Geeska Afrika Magzine & HAN) Mogadishu Office han@geeskaafrika [email protected] HAN: Horn Africa Newsline Ilaalinta xuquuqda wariyayaasha dalalka IGAD kala xidhiidh [email protected] |
 |
||||
| War Qore: Jamal Sh. Abiib (Bogga Somaliga - Addis, Hargeisa, Jawhar & Djibouti) | ||||
|
Qalalaasaha Siyaasadeed ee Halista ah ee Garabyada Dawlada Soogalay
|
||||
Qanyare oo kutilmaamay Dowladda FS Aroos Qorshihiisu Dhamaaday, Dagaalna Ubilowday Mogadishu, Somali (HAN) 28kii Oktober, 2005-: Wasiirka amniga Qaranka Maxamed Qanyare Afrax ayaa maanta si aan la fileyn uga jawaabay hadal ka soo yeeray R/wasaare Geedi oo uu ku sheegay in Kenya uu kula soo heshiiyay in la cunaqabateeyo dhinaca duulimaadka garoonka diyaarada Dayniile ee duuleedka Magaalada Muqdisho. Maxamed Qanyare oo la hadlayay saxaafadda Muqdisho isagoo ku sugan Gurigiisa ku dhow garoonka Dayniile oo magaalada ka fog ku dhawaad 15 Km ayaa ku nuux nuuxsaday in Dowlad Federaal ah wax la yiraahdo aaney dalka ka jirin ,oo aanu aqoonsaneyn C/llaahi Yuusuf iyo Cali Maxamed Geedi , waxaa uuna ku sheegay inay dusha u ridan doonaan wixii dalka ka dhaca ee dagaal . Qanyare ayaa si layaab oo qosol ay ku jirtay ku yiri �Warka waxaa Kenya u geeyay Cali Maxamed Geeddi iyo C/llaahi Yuusuf, iyagaa ayaa dacwada geystay, iyaga ayaa loo haystaa, marka haday doonaan yey u naxariisin Garoonka, Kenya haddii Diyaaradaha soo galaan hawada soomaaliya amaankooda ma sugi karto, marka ma aha hadal micno leh �ayuu yiri Qanyare oo sii raaciyay hadalkiisa in garoonkiisa maalintiiba ay ka soo degi jireen kana duuli jireen ku dhawaad 10 diyaaradood nooca qaadka Keena ay u badnaayeen . Wasiirka Amniga Qaranka oo inta uu hadalka watay iska dhoola cadeynayay ayaa yiri �Madaxweyne ma jiro, Ra�iisal Wasaare majiro, Anagana wasiir ma nihin, Arooskaas waa dhamaaday, waxaannahay Labo koox oo dagaalamaysa, marka Shineemo Madaxweyne waa xiran tahay�. Qanyare ayaa dhinaca kale ku eedeeyay Golayaasha Jowhar inay lacago faalso ah ay soo sameysteen si ay u abuuraan sicir barar , waxa uuna sheegay in Magaalada Boosaaso ay taalo Makiinad Lacagta lagu sameeyo. Xiritaanka loo geystay Garoonka Dayniile ayaa ah hadalka ugu badan ee maanta ay iskula sheekeysanayeen dadka Muqdisho iyo saansaanta dagaal ee dalka ka soo muuqaneysa. Geedi oo sheegay in Shirka wasiirada IGAD uu ka dhici doono dhowaan Magaalada Jowhar Jowhar (HAN): R/wasaaraha Dowladda FKMG ah ee Soomaaliya Cali Maxamed Geedi oo galabta shir jaraa�id ku qabtay Magaalada Jowhar ayaa waxa uu sheegay in ay ayaan daro tahay hadalada ka soo yeeray xubno ka tirsan Xukuumadda oo ku sugan Muqdisho kuwaasoo ku hanjabay in madaafiic la beegsan doonaan diyaaradaha , waxaa uuna sheegay in la gaaray xilligii sharciga uu shaqeyn jiray ,lagana gudbay xilligii dagaalka .Geedi ayaa sheegay in wax dhexdhexaadin oo laga dhex wado Dowladda FS aaney jirin , waxa uuna isweydiiyay cidda la dhex dhexaadinayo , isagoo sheegay in Dowladda ay heshiisay iskuna waafaqday in la hergeliyo wixii lagu soo dhisay Kenya . R/wasaare Geedi ayaa xusay in bisha nagu soo aadan lagu qaban doono magaalada Jowhar shirka wasiirada arimaha dibadda Urur Goboleedka IGAD , isla markaana laga furi doono Xafiiska Jaamacadda carabta ee Soomaaliya . R/wasaaraha ayaa waxaa uu sheegay in isbadal uu dhacay , loona baahan yahay in la taageero wixii nabadda khuseeya . Saalim Caliyow Ibrow oo Cadeeyay in Dowladda FS ay ku howlan tahay farsameynta Lacago cusub Jowhar: R/wasaare ku xigeenka ahna wasiirka maaliyada dowladda FKMG ah ee Soomaaliya Prof. Saalim Caliyoow Ibroow ayaa daboolka ka qaaday in ay siyaasadda dowlada mid tahay sidii ay dalka ugu samayn lahaayeen lacago cusub oo shillin Soomaali ah.Prof: Saalim Caliyoow Ibroow oo maanta u waramayay saxaafadda gudaha ayaa sheegay in dowladda kMG ah in ay u baahan tahay lacago cusub oo ay ku maarayso adeegyada kala duwan oo ay dadka iyo dalka u qabanayso. Waxaana uu tibaaxay in ay dowlada FS haatan ku guda jirto qiimayn ku aadan qaabkii loogu sameeyn lahaa lacago cusub oo shillin Soomaali ah ,hayeeshee waxaa uu hoosta ka xariiqay in soo samaynta lacago cusub in ay ka horayso daraasadeyn ku aadan xaaladda la marayo ee dhinaca dhaqaalaha, isagoo sheegay in dowlada ay ku howlan tahay sameeynta fikir macquul ah oo aan sicir barar u dhicin hadii ay keento lacago cusub. Ra�iisal wasaare ku xigeenka DKMG ah ahna wasiirka wasaarada maaliyada Prof Ibroow waxaa uu ku cel celiyay in ay beesha caalamka ay ka haystaan balan qaadyo fara badan oo ku aadan sidii Soomaaliya dhinaca dib usoo kabsashada looga taakulayn lahaa, Maxamed Dheere oo ku sheegay Indhocadde nin xaq daro ku heysta Gobolka Sh/hoose Jowhar: Gudoomiyaha Maamulka Siyaasadda gobolka sh/dhexe Maxamed Cumar Xabeeb( Maxamed dheere) ayaa ku tilmaamay maamulka gobolka Sh/hoose mid aan si sharci ku joogin gobolkaasi, sidaasi daraareedna aanu wax xiriir siyaasadeed iyo mid iskaashi ah la yeelanaynin. Max�ed dheere ayaa sheegay in ay nasiib darro tahay inuu si xoog ah uu sheikh Yuusuf Indha Cadde uu ku haysto wax uu ku sheegay maamulka gobolka sh/ hoose. Waxaana uu tibaaxay inaanay marnaba suuragalaynin in uu lo midoobo Indha Cadde oo uu ugu yeeray in in kabadan kun KM uu ka soo safriyay isbaaro sharci darro ah oo uu keenay Deegaan aaney dadkiisa ku dhaqaneyn , hase yeeshee waxaa uu ku nuux nuuxsaday in uu diyaar u yahay in uu taageero dadka deegaanka ah ee gobolka Sh/ Hoose haddii ay iyaga maamulka gobolkooda hantaan. Hadalkan Max�ed dheere ayaa soo baxay maalin ka dib markii Maxamed Dheere uu heshiis wax wada qabsi la saxiixday maamulka Gobolka hiiraan , waxaana ay ku soo beegmatay xilli uu Sheikh Yuusuf uu dalka dibadiisa ku maqan yahay isagoo ku sugan dalka boqortooyada Sacuudi carabiya. Cadde Gaabow oo ka digay Maamulka Cusub ee looga dhawaaqayo G/Banaadir Muqdisho: Maxamed Xasan Cadde Gaabow oo ah Guddoomiyaha Gobolka Banaadir ahna duqa magaalada Muqdisho ayaa ka digay isku dayada lagu doonayo in maamulkiisa lagu kor magacaabo Maamul cusub oo ay ka shaqeynayaan xubnaha Golayaasha Muqdisho. Cadde Gaabow ayaa ku baaqay inay faraha kala baxaan Golayaasha Muqdisho howlaha aanu khuseyn . Guddoomiyaha gobolka ahna duqa magaalada Muqdisho Maxamuud Xasan Cali Cadde �Gaabow� oo dhowaan u suura gali weysay inuu fariisin ka dhigto Xarunta Maamulka G/Banaadir ayaa sheegay in qof walba uu leeyahay howl iyo xil u gaar ah loona baahan yahay in lagu taageero xilkiisa guddoominimo. Arintani ayaa waxa ay soo baxday xilli Golayaasha Muqdisho ay soo saareen Xeerar lagu maamulayo G/Banaadir kaasoo ay soo bandhigeen guddi horey loogu xilsaaray in ay ka soo baaraan degaan qaabka maamulka loogu samaynayo G/Banaadir, oo uu madax u ahaa wasiirka ganacsiga Muuse Suudi Yalaxoow, hase ahaatee sharcigan ayaa waxaa gaashaanka u daruuray Golayaasha Dowladda ee Jowhar . Shariif Xasan oo sheegay in wadahadal uu la yeesho dhinaca Jowhar ay garwadeen ka noqoneyso Q.M Helsinki :Guddoomiyaha Baarlamaanka FKMG ah ee Soomaaliya Shariif Xasan Sh. Aadan ayaa ku adkeystay in heshiis aan beesha caalamka garsoore ka ahayen aanu la galeynin marnaba xubnaha dowladda ee fikirka ay ku kala duwan yihiin. Guddoomiyaha baarlamaanka Soomaaliya Shariif Xasan Sheekh Aadan oo haatan ku sugan dalka Finland ayaa sheegay inuu kulan uu la yeeshay guddoomiyaha baarlamaanka wadankaas iyo weliba Ninka Africa u qaabilsan wasaaradda arrimaha dibadda wadanka Finland uu sheegay inay ka wada hadleen arrimaha Soomaaliya. Guddoomiyaha baarlamaanka Soomaaliya oo safarkiisa uu ku soo beegmay xilli xildhibaanada baarlamaanka Soomaaliya ay soo dhexgashay jahwareer dhinaca siyaasada ah kadib markii xildhibaano ka tagay magaalada Muqdisho iyo kuwa Jowhar ka yimid ay isugu tageen magaalada Nairobi ayna sheegeen inay halkaas ku wada kulmeen. Yemen oo ka digtay in Tahriibayaasha Soomaalida ay ku soo dhexdhuuntaan kooxo argagaxiso ah Sanca : Madaxda amaanka Dowladda Yemen ayaa waxa ay ka digeen in Tahriibayaasha ka soo socdaalka Soomaaliya ay ku soo dhex dhuuntaan kooxo argagaxiso ah oo wax u dhimeysa amaanka Yemen . Col. Naasir Alcazaani oo ah Madaxa amaanka Siyaasada Gobolka Shabuuh ee dalka Yemen ayaa waxa uu sheegay in dadka badan ee qaxootiga afrikaanka ah ee ku soo qulqulaya gobolkooda ay sababi karaan dhibaatoyin amaan daro , isagoo cadeeyay in tiro badan dadka soo barakacay ee Soomaalida uu xirir kala dhaxeeyo Ururka Alqaacida , mana foga ayuu yiri sarkaalkan waqtiga ay ku dhaqaaqi lahaayeen howlgalo lagu burburinayo shirkadaha caalamiga ee ku yaala Gobolka Shabuuh , taasoo uu sheegay inay qeyb ka tahay hub is weydaarsiga iyo kala iibsiga ka soconaya Yemen . Sarkaalkan ayaa waxa uu ka codsaday dowladda Yemen inay sameyso howlo la isugu dubaridayo dadka tahriibka ku yimid Yemen , iyo in laga hortago kuwa kale ee weli ku hanweyn inay Xeebaha Gobolka Shabuuh ku soo galaan sharci daro . Col. Rukni Maxamed Saciid Almicwaak oo ah abaanduulaha guutada ilaalada ka ah xeebaha Gobolka Shabuuh ayaa isna waxa uu ka digay dadka qaxootiga ee ka socday dalal ku yaala afrika si gaar ah Soomaaliya ee weli sharci darada ku imaanaya Yemen . Mas�uulkani Yamaniga ah ayaa waxa uu sheegay 80 % dadka Ethopianka ah ee soo gala Yemen ay yihiin dad sida Viruska HIV Aidska , waxa uuna intaasi ku daray in tirada doomaha ay ku howlgalaan ciidamada ilaalada xeebaha Yemen ay gaarayaan oo qura 13 doomood balse ay u baahan yihiin taageero qalab kale iyo in xal laga gaaro qaxootiga weli ku soo fool leh Xeebaha Gobolka Shabuuh. Hase ahaatee Xoghayaha guud ee Golaha maamulka Gobolka Shabuuh Dr. Naasir Muxsin Baacoom ayaa waxa uu sheegay in ay uga baahan yihiin Dowladda Yemen inay maamulkooda ku saacidaan diyaarado ka qeybqaata howlaha ilaalada lagaga qabanayo xeebaha si loo helo iskaashi dhexmara qeybaha amaanka si looga hortago carqalado dhaca nooc kasta oo ay noqdaan sida uu qoray wargeyska Alayaam ee ka soo baxa dalka Yemen .
|
||||
| LA XIDHIIDH: [email protected] | ||||